A alternativa que te defende

Posts Tagged ‘populares’

Conven nestas alturas poñer as cousas claras, pois non sabemos a que se está a xogar por parte dalgúns persoeiros.

Neste Contencioso que se está a tramitar ante a Audiencia nacional, O Concello de Moaña, con cartos de todos os veciños de e veciñas de Moaña,  leva gastado máis de 35.000 euros para defender as propiedades destes veciños que o Ministerio de Medioambiente, tanto agora como durante 8 anos co goberno do Sr. Aznar pretende usurparlle. Canto levan gastado os afectados ?…..  NADA

Por qué a Asociación de Afectados non se personou no Contencioso contra a Resolución da Dirección Xeral de Costas que os deixa sen as súas propiedades?,  Será para non ter que gastar os cartos?  Ten que ser con cartos dos moeñeses e moañesas cos que se defendan?

No contencioso, e eso deben sabelo todos os afectados, o Concello é  o DEMANDANTE, a Dirección Xeral de Costas é a parte DEMANDADA, por qué entonces a Asociación de Afectados aparece como CO-DEMANDADA?

A respecto do Sr. Fervenza, que se apunta a calquera bombardeo con tal de atacar ao Goberno do Concello, dende o BNG queremos dicir o seguinte:

O BNG considera un insulto á intelixencia, que o Sr. Fervenza, en representación dos “Populares”,  saia agora sen nengún rubor, a dicir nada a respecto do que estan a sofrir os veciños e veciñas afectados, pois dende o ano 2.000 até o 2004, o seu partido gobernaba en Moaña, en Santiago e en Madrid e non fixeron ABSOLUTAMENTE NADA por solucionar este problema, cando llo prometeran aos afectados.

Por qué non presenta  agora o Sr. Fervenza no Parlamento Galego unha Proposta de Resolución igual que fixo fai ano e medio para que a Xunta do Sr. Feijoo arranxe o problema dos afectados pola Lei de Costas?, será que agora xa non lle interesa ou non lle deixan no seu partido?, foi cicais  unha pose máis con fedor electoreiro ao que nos ten tan habituados.

O pasado día 22 de xullo dábamos conta aquí da moción presentada polo Deputado Provincial Daniel Rodas, que en definitiva propoñía :

1º.- Que se inclúa a cantidade de 2.000.000 euros para completar a urbanización do vial provincial EP-ll O1 da Moca a capela dos Miragres (O Piñeiro), con cargo aos fondos reservados no orzamento da Deputación Provincial para o acondicionamento dos seus viais.

2º.-  Que se remita de forma inmediata unha proposta de convenio ao concello de Moaña que recolla a actuación na totalidade do vial coa súa programación anual de execución.

O Partido Popular e o Sr. Louzan votaron en contra destas propostas, deixando ao descuberto que non teñen pensado para nada mellorar os  viais da súa competencia en Moaña, deixando en evidencia ao Sr. Fervenza e demais persoeiros do PP de Moaña.

Mentras tanto, o Concello de Moaña, xa rematou as obras de ensanche e urbanización no tramo dende As Barxas até a Moca.

¿Para cando teñen pensado seguir o exemplo os Sres.do PP? ¿Que excusas poñeran agora?

A Deputación Provincial de Pontevedra, tiña comprometidos 350.000 euros con cargo ao PPCI08, para a mellora do vial provincial EP-I101 As Barxas-Berducedo. Dita consignación foi anulada no Pleno do 28 de novembro de 2008 e a incorporación do seu financiamento nos remanentes producidos por baixas de adxudicación. Este remanente aplicouse nas obras do Programa de Actuacións Complementarias seguintes: Capa de rodadura na EP 6010 A Lama-Muimenta-Ventos (Lalín-Agolada) e a obra Mellora do trazado e pavimentación da estrada provincial Pontedoval-Barciademera (Mondariz).

o Presidente comprometeuse nese mesmo Pleno a que no Orzamento do ano 2009 haberla unha partida con nome e apelidos deste vial e recoñecía a insuficiencia dos 350.000 euros para acometer a mellora do vial.

Pola contra o concello de Moaña, que estivo esperando durante dous anos a que a Deputación Provincial presentara un convenio de colaboración para a mellora e ensanche do vial, acometeu a mellora deste ata a Moca, para que non se cumpriran os prazos e non perder os cartos, ou modificalos como no caso da institución provincial.

Polo tanto si que cumpriu a súa parte do presunto convenio!!.

Polo tanto existía un marco de acordo onde o concello de Moaña, xa marcou o camiño de colaboración: urbanización dunha estrada provincial, construción de beirarrúas e mellora dos diferentes servizos: alumeado, pluviais… e onde queda pendente o compromiso, unha vez máis, do Presidente da Deputación, que permite que se trasladen aos medios de comunicacións as súas competencias e responsabilidades, o que aproveito para preguntarlle. Sr. Presidente. Que relación ten o deputado autonómico do Partido Popular D. José Fervenza, coa Deputación Provincial de Pontevedra?

Sr. Presidente: Que relación ten o portavoz da Asociación de Veciños das Pagonas, D. Antonio Pastoriza, coa Deputación Provincial?

Sr. Presidente: Estas dúas persoas actúan como portavoces do Presidente da Deputación ante os medios de comunicación?

Sr. Presidente. Que pinta un técnico da Deputación Provincial dándolle explicacións enriba do capó dun coche, ao deputado autonómico D. José Fervenza e a D. Antonio Pastoriza acompañados de ilustres personaxes do Partido Popular e dándolle ultimatums ao concello de Moaña?

Dende o BNG creemos que a política é algo máis que facerse unha foto no capó dun coche, cuns planos e dicer que estivemos cun «técnico». Abogamos por reducir estas actitudes que contribúen a confundir as institucións cos partidos políticos e os seus lexítimos representantes.

Por todo isto, o grupo provincial do B.N.G. presenta esta MOCIÓN e solicita o voto favorábel do Pleno da Corporación Provincial para a adopción do seguinte

ACORDO

Primeiro: Que se inclúa a cantidade de 2.000.000 euros para completar a urbanización do vial provincial EP-ll O1 da Moca a capela dos Miragres (O Piñeiro), con cargo aos fondos reservados no orzamento da Deputación Provincial para o acondicionamento dos seus VlaIS.

Segundo: Que se remita de forma inmediata unha proposta de convenio ao concello de Moaña que recolla a actuación na totalidade do vial coa súa programación anual de execución.

Unha vez máis o PP de Moaña convértese en avogado dos intereses privados contra os públicos do concello e de todos os moañeses e moañesas.
Agora é o caso do arrendamento da Casa Pazó, onde se están executando as obras para dotar a Moaña da primeira gardería infantíl pública.
O Concello aprobou a fins de 2006 un contrato de arrendamento coa promotora “Islas Atlánticas, S.L.” para dispor da casa e 1.000m2 de finca durante 25 anos, en tanto non se desenvolva o Plan Xeral de Ordenación Municipal nese ámbito, posto que está previsto que pase, xuntamente con outros 4.000 m.2 a ser propiedade municipal. O acordo foi tomado unanimemente polo Pleno da Corporación, co voto favorable do PP (cando o hooligan Pepe Fervenza aínda non estaba, claro).
A empresa promotora, por motivos nada claros, pretende impugnar agora o contrato, argumentando o seu fundamento en incumprimentos e reclamando un aluguer de 6.000 euros ao mes! Quen sae a defender esta pretensión da promotora?… Pepe Fervenza e os seu mariachi !
Non queren piscina municipal, non queren paseo de Domaio, non queren a reformada rúa Daniel Castelao…. e agora tampouco queren a gardería municipal. Ademais de dicir non a todo, a estes hooligans o que lles vai é apoiar sempre a quen pretende lucrarse a conta do concello e de todos os veciños e veciñas, coma toda a vida.
O contrato asinado con “Islas Atlánticas S.L.” é plenamente válido. Foi libremente consentido por ambas as dúas partes. Está sendo cumprido a carta cabal polo concello en todas as súas estipulacións e foi asinado en documento administrativo como recolle a súa famosa “cláusula 17″ que Pepe Fervenza non é capaz de ler, e polo tanto de entender.
Abonda xa de tanto descaro !  Abonda xa de tanta falsidade e de apuntarse a calquera bombardeo con tal de facer dano e tentar impedir o avanzo do noso Concello !
Hai moitas obras en marcha e moi importantes como para o que o PP as poida parar e dende logo, pese a Pepe Fervenza, Moaña contará coa Gardería Infantíl que precisa.