A alternativa que te defende

Arquivo para ‘Información Nacional’ Categoría

O BNG, ven de presentar unha pregunta no parlamento galego, co fin de solucionar a problemática suscitada polos usuarios de transporte de ría. Os nosos parlamentarios fieron constar a queixa reiterada da Federación de Veciños de Moaña A Chamusca , que consideran unha falta de respecto para os usuarios/as manter pechada a estación marítima de Moaña, unha intraestructura en boas condicións, mentres hai usuarios/as que teñen que estar á chuva mentres esperan o barco.

Adxuntamos o documento: pregunta parlamentaria estación marítima moaña.pdf

O BNG o pasado sábado 9 de Xaneiro, realizou un acto sobre pesca ao que asistiron Olaia Fernández Davila(deputada nas cortes do Estado), Bieito Lobeira(deputado no parlamento Galego) e Ana Miranda (representante do BNG no parlamento europeo). O acto estivo presentado polo deputado provincial e concelleiro de Mar e Medio Ambente de Moaña, Daniel Rodas.  O acto estivo centrado na nova Política Pesqueira Común da Unión Europea. Para Ana MIranda un dos retos máis importantes que se plantexa o BNG en Europa é que a flota sexa rentábel grazas as posíbeis subencións, a diferenciación entre pesca industrial e artesanal de baixura ou o marisqueo, así como que Galiza sexa definida como Zona Altamente Dependente da Pesca, como xa ocorre con outras zonas Europeas.

Bieito Lobeira: Isto provoca que a flota galega só teña asignado o 4% da cuota pesqueira e os daneses o 40%, así como acceso a augas comunitarias nas que os nosos barcos non poden faenar»

A este Acto asistiron representación de todas as cofradías e sectores dependentes da pesca e marisqueo da Ría de Vigo e de Pontevedra, así como unha nutrida representación de bateeiros, redeiras e xente do sector. O debate xenerou numerosas preguntas e postas en común que se trasladaron para que a comisión nacional de Pesca do BNG analice e trslade a información. Asimesmo, explicouse que calquera cuestión relacionada con este tema, se lle expuxera ao concelleiro de Moaña Daniel Rodas, que como membro desta comisión faga chegar caslquer iniciativa a este órgano do BNG.

Os parlamentarios nacionalistas denuncian que no caso de Moaña “séguese recortando o servizo” e critican as últimas declaracións do conselleiro Agustín Hernández

Os deputados nacionalistas lembran que a iniciativa do BNG transccionada no Parlamento de Galiza cos outros grupos instaba á Xunta a que antes do 3 de decembro de 2009 realizase as modificacións legais necesarias para evitar a “desaparición, redución de frecuencias, ou degradación das condicións de transporte que actualmente se prestan”.

A realidade é que o servizo segue reducíndose

Sen embargo, os parlamentarios do BNG denuncian que “no caso de Moaña segue suprimido o servizo de transporte marítmo as fins de semana e os festivos; os barcos saen cada hora os días laborábeis, xa non cada media hora, e a empresa navieira mantén a ameaza de supresión total do transporte unha vez rematada a campaña de verán”.

Declaracións do conselleiro Agustín HernándezNeste sentido, denuncian que “a incertidume social vai en aumento co paso do tempo e non existen, ou non se coñecen, indicios que permitan albiscar unha saída positiva ao actual estado de cousas”.

A este respeito, os deputados do BNG consideran “máis grave aínda que o propio conselleiro de Medio Ambiente, Territorio e Infraestruturas, Agustín Hernández, afirmase que `non se pode subvencionar o billete -a través do correspondente convenio- se non se incrementa o número de usuarios”.

A estas declaracións os parlamentares nacionalistas sublíñanselle ao conselleiro que “por moito que non entre nos parámetros do PP a aposta por una modelo de transporte público, intermodal e colectivo, como é o de ría, é deber da Xunta acometer o mandato do Parlamento do pasado 17 de xuño, no sentido de acometer todas as accións necesarias en defensa da existencia, calidade e futuro do transporte marítimo de viaxeiros e viaxeiras na ría de Vigo”.

Ante esta situación, os deputados do BNG pregúntanlle á Xunta de Galiza polas vías de comunicación que teñen coa Unión Europea para darlle saída legal ao conflito existente e, en concreto, polas modificacións lexislativas que porán en marcha á luz do novo Regulamento comunitario a fin de restablecer a declaración do transporte marítimo de viaxeiros na ría de Vigo como servizo público de titularidade da Xunta.

Por último, demándanlle á Xunta que confirme se as moficacións legais entrarán en vigor antes do 3 de decembro e que concrete as medidas que vai poñer en marcha para evitar a desaparición, redución de frecuencias ou degradación das condicións de transporte que se viñan prestando.

Bieito Lobeira e Uxío Piñeiro na presentación da proposición non de lei de transporte marítimo

O grupo parlamentar do bloque Nacionalista Galego (BNG), por iniciativa dos seus deputados Bieito Lobeira Domínguez e Henrrique Viéitez Alonso e da súa deputada Mª do Carme Adán Villamarín, ao abeiro do regulamento da Cámara, presenta a seguinte Proposición non de lei en Comisión, relativa á adopción de medidas para o restablecemento da declaración de servizo público da titularidade da Xunta de Galiza do transporte público marítimo de viaxeiras e viaxeiros na Ría de Vigo.

O transporte marítimo de viaxeiras e viaxeiros na ría de Vigo (tramos Moaña-Vigo/ Vigo- Moaña e Cangas-Vigo / Vigo-Cangas) víñase regulando a través da Lei 4/1998, do 9 de Abril, de declaración de servizo público de titularidade de Xunta de Galiza do transporte público marítimo de viaxeiros na ría de Vigo, até que a sentenza do Tribunal de Xustiza da Unión Europea do 9 de Marzo do 2006, non recorríbel, declarou a súa incompatibilidade co Regulamento (CEE) nº 3577/92 do Consello, de 7 de Decembro de 1992, ou noutras palabras, co que a Unión Europea ven denominando o principio de “libre competencia”.

O impacto desta decisión comunitaria foi moi importante, e prexudicial do punto de vista político, económico e social. Político, porque se entremetía claramente, e evadía, as competencias exclusivas de Galiza neste ámbito téndose que elaborar unha nova norma (Lei 2/2008 o 6 de Maio) para se adaptar ao mandato da UE. Económico, porque impuña un modelo neoliberal, lonxe das necesidades sociais e fundamento no beneficio económico empresarial nun contexto de “libre competición”, primando o capital por enriba dos intereses populares. E social, o máis grave, en canto ás consecuencias prácticas, porque degradou o servizo (en frecuencias, especialmente grave no caso de Moaña) e ameazaba o seu futuro garantíndose unicamente as viaxes ás Illas Cíes con finalidade evidentemente turística.

Neste contexto preocupante, a Comisión Europea ven agora a lle confirmar ao Goberno de Galiza, logo da correspondente consulta de Dirección Xeral de Transportes, que o novo Regulamento (CE) 1370/2007, abre a posibilidade de que o transporte marítimo entre O Morrazo e Vigo sexa considerado servizo público.

Isto significa que a partires do próximo 3 de Decembro deste mesmo ano, no que estará en vigor o novo Regulamento (artigo 12), a Xunta de Galiza poderá establecer un servizo de transporte público marítimo entre Cangas /Moaña e Vigo, a diferenza do que impuxo no seu día a devandita sentenza da Unión Europea. Cumpre pois, con carácter de urxencia, impulsar en Galiza o procedemento administrativo orientado a este obxectivo.

Non se pode esquecer que a realidade socioeconómica da Comarca do Morrazo fai que un número moi importante de persoas teñan que se desprazar a Vigo por motivos de traballo, estudo, acceso a servizos sanitarios, administrativos, actividades culturais ou de lecer, etc., polo que o transporte marítimo ten un carácter absolutamente estratéxico dentro do fluxo de mobilidade de comarca.

Alén desta necesidade obxectiva, o novo Regulamento UE dispón dunha serie de condicións que se adaptan perfectamente á realidade do transporte marítimo entre Vigo e O Morrazo.

Estas son as razóns que levan ao Grupo Parlamentario do Bloque Nacionalista Galego (BNG) a presentar a seguinte Proposición non de lei:

O Parlamento de Galiza insta ao Goberno galego a:

1. Por en marcha e axilizar o procedemento administrativo que permita restablecer a declaración de servizo público de titularidade de Xunta de Galiza do transporte público marítimo de viaxeiras e viaxeiros na ría de Vigo (tramos Moaña-Vigo/Vigo-Moaña e Cangas-Vigo/Vigo-Cangas) para a súa entrada en vigor inmediatamente despois do 3 de decembro de 2009, coincidindo co Regulamento (CE) nº 1370/2007 do Parlamento Europeo e do Consello.
2. Elaborar con este motivo un novo Proxecto de Lei para a súa tramitación parlamentar.
3. Definir un modelo público e /ou consorciado para a empresa que desenvolva a prestación do servizo de transporte marítimo de viaxeiras e viaxeiros na ría de Vigo.
4. Adoptar, con carácter urxente, medidas conveniadas coa empresa que na actualidade presta este servizo que eviten a desaparición, redución de frecuencias , ou degradación das condicións de transporte que actualmente se prestan.

A candidata do BNG ás eleccións ao Parlamento Europeo, Ana Miranda, subliñou hoxe que “a presenza de eurodeputados do BNG no Parlamento Europeo é a única garantía de que os intereses galegos sexan escoitados e defendidos en Bruxelas”.

Ana Miranda realizou estas declaracións esta mañá no decurso dun encontro con estudantes no campus universitario de Vigo, no que tamén participou a edil do BNG e tamén candidata ao Parlamento Europeo, Iolanda Veloso.

O transporte de Ría, “un medio respectuoso co medio ambiente e imprescindíbel para conectar a ría de Vigo, e que pola liberalización de servizos que defende a UE vai facer que desapareza, como xa está a acontecer coas conexións con Moaña”

O noso modelo é o dunha Europa máis democrática e social e máis solidaria cos países pobres»Ana Miranda asegurou que o modelo de Unión Europea que defende o BNG “é o dunha Europa máis democrática e social, máis solidaria cos países pobres, e na que os intereses de Galiza sexan defendidos.

Neste sentido, lembrou que “nestes cinco últimos anos asistimos á procesión dos caladiños en Bruxelas pois Galiza estivo completamente ausente”. Por iso, a candidata nacionalista, subliñou que “só a través do BNG os intereses de Galiza serán escoitados e defendidos en Bruxelas”.

Defender o transporte de ría e a nosa pesca

Pola súa parte, Iolanda Veloso lembrou que “o BNG mantén determinadas posturas que co tempo van demostrando que son de sentido común, fronte a discursos alleos que non se adaptan á nosa realidade”.

“Por iso –salientou- seguimos defendendo a construción dunha Europa dos Pobos, que se levante o veto a ASTANO para construír barcos, que o noso sector leiteiro e que a nosa pesca se poidan desenvolver.

Neste sentido, Iolanda Veloso fixo especial mención ao transporte de Ría, “un medio respectuoso co medio ambiente e imprescindíbel para conectar a ría de Vigo, e que pola liberalización de servizos que defende a UE vai facer que desapareza, como xa está a acontecer coas conexións con Moaña”