En catro anos de goberno presidido polo BNG, Moaña experimentou unha profunda transformación. A reforma e o crecemento urbano foron acompañados pola mellora e ampliación dos servizos municipais, unha maior atención aos colectivos máis necesitados e unha preocupación polo medio ambiente como nunca antes houbera no noso Concello. Nos últimos catro anos, entre todos e todas, empezamos a cambiar Moaña para convertela nun referente de calidade de vida, un lugar onde paga a pena vivir.