Hoxe podemos ver nos medios de comunicación como sae un suposto colectivo de afectados polas obras de acondicionamento do recheo de Domaio, unha obra que leva sendo demandada polos veciños e colectivos sociais de Domaio dende hai moitos anos e que o Goberno Municipal conqueriu que se escomezara por parte da Autoridade Portuaria de Vigo, en base a un proxecto moi participativo, producto do consenso entre os diferentes colectivos e persoas da Parroquia de Domaio, para o cal se celebraron diferentes asembleas e reunións.
Agora vemos como persoas que xa estiveron co Sr. Fervenza nas mobilizacións do catastro, ¿casualidade? , saen reclamando entradas ás súas propiedades por donde antes era mar.
Unha vez máis o PP e o Sr. Fervenza move os seus peóns para boicotear e impedir que se leven a cabo as obras de mellora no noso concello.
O recheo de Domaio é un espazo que lle foi gañado ao mar, e polo tanto é un espazo totalmente público. Todas as propiedade teñen os seus accesos pola estrada PO-551 e os accesos dende o recheo foron usurpados nos últimos anos ao patrimonio público, sendo utilizados sen nengunha autorización.
O BNG seguirá firme na defensa do espazo público gañado ao mar para uso e desfrute de todos e todas e non para ser utilizado en beneficio de intereses privados.
Montouto (Teo), 25 Abril 09. O portavoz nacional do BNG en funcións, Anxo Quintana, anunciou hoxe en rolda de prensa o apoio do 92,5% dos membros do Consello Nacional á candidatura que vai presentar o BNG ás eleccións europeas, encabezada por Ana Miranda. Sinalou que o acordo para a rotación de escanos asinado polo BNG no marco da colición “Europa dos pobos” implica que os escanos que a coalición acade sexan ocupados polas distintas forzas políticas en función dos votos que cada partido obteña na súa circunscrición electoral, o que garantiría a presenza do BNG en Bruxelas.
